عايزاكم بس تعرفوا ان الطريقه دي هي طريقه الطاليان في ناس بتحط بيض او لبن باودر او زبادي وبتتطلع حلوه بس دي الطريقه الاصلية.
مقادير البيتزا الايطالية
3كوب دقيق
3 ملاعق زيت ويفضل يكون زيتون
1 معلقه كبيره خميره
1معلقه كبيره سكر
كوب ونص ماء دافئ
رشه ملح
رشة زعتر
ممكن تحتاجي مياه اقل او اكتر يعني خلي جنبك مياه ودقيق لو احتاج ده او ده زودي المهم العجينه متلزقش في ايدك وتبقي طريه حطي كله علي بعضه واعجني كويس وسبيها ترتاح لحد ما تخمر وتنفش ساعه مثلا.
طريقة تحضير الصلصة
صلصله طماطم وتزوديها شويه مياه
توم مفروم
زعتر
ملح
فلفل
شويه سكر
خل
الاول تحمر التوم في شويه زيت ولما لونه يتغير انزلي بالباقي واستني لما يتقل
حشو البيتزا
حضري بقه بصل شرايح طماطم شرايح فلفل دواير زتون جبنه رومي اوشيدر انا كنت عامله اللي في الصوره دي بتونه او ممكن لحمه مفرومه او هوت دوج سجق من غير حاجه خالص
وطبعا موزريلا علي الوش بس قبل البيتزا ما تخرج ب 5 دقايق طلعي البيتزا حطي الموزريلا ودخليها تاني عشان متتحرقش وتبقي سايحه وحلوه.
وصحتين وهنا.....